Ундрахуй

2017.03.30

 Эргэцүүлэл №5
 2013 нэг л их мундаг хүн аятай судар эргүүлж байхдаа 108 түвшин сайхны талаар буурлаасаа асууж байжээ. Айлтгалынхаа хамгийн сүүлд буурал надад "Оршоогүй эрдмээ танин байж олж авах нь тэргүүнд бус уу" хэмээжээ. Өнгийгээд үзэхэд надад үнэндээ 35 байтугай 3 эрдэм нь ч алга болтой юм. 35 эрдэм нь үр балчирт нь байхгүйг мэдсэн, хүн шиг хүн болоогүй мэддэг хэрнээ л 2 мөр өгүүлбэрт эхлээд хүн болоотох л гэж хэлсэн байх юм. Түүнийг хожуу л ухаарч байна, гэвч оройтоогүй л байгаасай!

35 эрдэм гэж миний бодлоор чадвар гэхээсээ илүү хүн байх ул суурь. Чадвар уу гэвэл чадвар мөн. Гэхдээ хүн болж байж эрдмийг сурах нь зүй гэж санана. Та уншаад үзээрэй. Өрөвдөх эрдэм гэж эхлэн ерөнхий эрдэм гэж дуусч байгааг нэг анзаараарай! Төсөл хэрэгжүүлэхтэй жишвэл уг нь ерөнхий эрдэм гэж эхлэж болох атал тэгээгүй. Дараа дараагийн нийтлэлээрээ 35 эрдмийн тухай өөрийн бодлоо эргэцүүлнэ. Та бас нэгдээрэй!

2017.3.30

Эргэцүүлэл №4

Монголын товчион түүхийн тайлал судрыг уншаад суухнээ долоон настангуудад уншуулж түүхийг нууцалсанг бодохоор өөрөөсөө ичих шиг. Гэтэл өөр нэгэн зүйл санаад буув. Яагаад түүх, тэр дундаа нууц түүх гэж яг юу болох? Монголчууд эрт дээр үед аугаа хааны хүчээр дэлхийн талыг эзлэжээ гэж бодох нэг өөр. Гэтэл хамгийн багаар бодоход энэ бол намтарчилсан түүх, он цагийн хэлхээст болсон явдал. Өөрөөр хэлбэл, өнгөрсөнийг багтааж, одоог товчилж, ирээдүй буюу өнөө цагт өртөөлсөн ийм л түүх гэж харж байна.

2017/3/11 Бямба гариг

Эргэцүүлэл №3

Хөлсний алуурчин бүсгүй, дунд сургуулийн тооны багш хоёрын цаг хугацаа үл харгалзам хайр. Үгүй ээ бүр орон зайны алслагдмал оршихуй, тэс "өөр" ертөнцөд нэг нэг рүү гээ тэмүүлэх тэр сэтгэлийн цогцоо. Толгой эргэмээр үйл явдал, тоо томшгүй хачин үгс. Японы төдийгүй дэлхийн пост модерн уран зохиолын гол төлөөлөгч Мүраками Харүкигийн алдарт “1Q84” цуврал романд энэ тухай өгүүлнэ. Харах нүдээ сохлон байж, хоёргүй сэтгэлээр нэгнээ гэх тэр сэтгэл. Хорвоогийн хоёр захаас ч хар дэлгэцээр нэг рүү гэх соронзон таталцал. Хормын төдий жаргал эсвэл үүрд хамт байх өнөөх л сэтгэл. Энэ хайр.

2017/03/06 Даваа гараг

Эргэцүүлэл №2

2017/03/03 Баасан гараг

Эргэцүүлэл №1

Хүмүүн энэ биеэ орхиход хэнд, юунд хамгийн ихээр хорогддог вэ? Уулзаж чадаагүй хүн, хийж чадаагүй ажил, биелүүлж амжаагүй хүсэл мөрөөдөл үү? Хөөрхий үрээ зовохыг нь үзвэл өөдөсхөн үрийг минь хэн түшиж, элгэндээ энхрийлж, хормойдоо аргадах билээ гэж санадаг биз.Үлдэж хоцорсон үрс юунд их харамсдаг вэ? Эдийн дээдээр чимж чадлуу даа? Эрхэлж туньж амжлуу даа? гэж тунгаадаг сан уу? Хэлж захих үг сургаалийг нь сонсож чадсангүй дээ гэж хамгийн их харамсдаг биш гэж үү?

2013.10.03 - 2016.08.30

2013.04.15 - 2015.04.15

Уран үг бүү хэл амнаас үг унах сэхээгүй явсаар бодролоо тэмдэглэлгүй өнөөдрийг хүрсэн, хүргэсэн шалтгаан нь амьдралаас миний суралцах тэр "уян" хичээлүүд. Үхэл хагацал, өвчин шаналал, сэтгэлийн зүдгүүрийг энэхэн ил ертөнцөд үзэгдэх далдын нөмрөгтөн биднийг туулж биш давж гардаг гэж олон хүн эндүүрдэг юм шиг.

2014.07

1.Засал гэж юу вэ?

Ивээлт дээд заяаг өв тэгш байлгах үйл
Замба нартын ахуй амийг өнөр болгох үйл
Алд биеийн ахуй амийг нимгэлэх үйл
Олон үйлийн учгийг тайлах үйл

2.Заяа гэж юу вэ?

Нартад заяа заяан дээд
Гагц хүмүүн заяа гэж бий.
Хөх толбот хүмүүн заяа нь
Эгэлгүй нэгэн заяа

2013.11.09- 2014.07.24

Гэрлийн өргөөнд Тэнгэр удганы бичсэн бичвэрүүдийг уншиж байхад онгодоос суралцах, улаач нар өөрсдөө хичээх талаар дахин бодлоо. Кү сурлага гэдэг нь онгодоосоо онгодын эрдмийг суралцаж, өөрийн чадвараа нэмэгдүүлж, ухаарлыг олон эрдэм болгох тухай хэмээсэн. Үүнээс ил далд ертөнцийн холбоосын талаар бодов. Далд ертөнцөд итгэх нь ил, бодит энэ ертөнцөд итгэх итгэлээс нэмүү байx хэрэгтэй юу, нэгэнт л нүдэнд харагдахгүй байгаа зүйлд итгэх нь мунхаглал уу, аврал уу?

Бодол хөвөрсөөр хоёр хаалганд тулж зогсох нь тэр.
1. Далд ертөнцөд гүн итгэгч - Ил ертөнцөд итгэлийн тулгуур хүсэгч

Далд ертөнцөд хүн нэгэнт итгээд эхэлбэл зарим нь  дэндүү туйлширдаг нь зүрх зүсэгдэм. Өөрөө энэ бодит ертөнц дээр амьдарч байгаагаа умартдаг юм уу эсвэл ид шидийн ертөнцөд бодлоороо дүүлэн нисэх нь жаргал авчирдаг юм уу? Тухайлбал, бөө мөргөл шүтлэгт хүн бие нь багахан чилээрхэхэд "далдын юм байгаа юм биш биз, хэн нэгэн харвачихаагүй байгаа даа, яг тэгж таарлаа" хэмээн сэтгэл зовних нь утгагүй л болов уу. 

2014.04.20

Өвгөдийн сургаал үгүй наранг угтах нь өнөө цагийг нүдээ анин, харанхуй ой дундуур тэмтчин явах адил санагдах болжээ. Сэтгэл гутрахад бөөцийлөн босгоод ирэх, итгэл гундахад энхрийлээд түшээд  ирэх тэр л хайрыг үйлдлээс илүүтэй үгнээс нь сонсох "боломж бүрдсэн нь" их хувь бололтой.

Өртөөлөх нэгэнгүй өвөг байхад
Өөчлөн голох нэгэн байдаг.
Өөнтөглөн харах нэгэн байхад
Өрөвдөн тосдог нэгэн байдаг хойно
Өр зүрхнээсээ л зүтгээд явахад
Өөдөө тэмүүлэх заяатай биз ээ.



Хавар айлдсан өвгөдийн сургаалыг өртөөлъюү.

2014.04.13

Шашин:

-Толгойлогч буюу тухайн итгэл үнэмшилийг үндэслэгчийн үзэл санаа дор нэгдэн цугласан хүмүүсийн бүлхэм ба баримтлах зарчимтай, ном дүрмийг нэг бүрчлэн дагах сахилтай, тодорхой хэв шинжийг өөртөө бүрдүүлсэн "байгууллага" гэж хэлж болох. Уг үзэл санаа нь үе улиран урт хугацаанд үргэлжлэх хандлагатай болов уу.

-Заасан, чиглүүлсэн зам мөрийг сэтгэлдээ баримталж, үйл хэрэгтээ тусган мөрдлөгө болгох, итгэл үнэмшлээ чанд хадгалах

-Доор дүрслэн үзүүлсэн зураг шиг гагцхүү доошоо буюу итгэгч нар руу чиглэсэн байдлаар шашин гэх сэтгэл, итгэлээрээ нэгдэн цугласан хүмүүс. Өөрөөр хэлбэл, тухайн хүний итгэх эсэх сонголттой байдгаараа БӨӨ МӨРГӨЛ, ШҮТЛЭГээс өөр болов уу.

2014.07.24

           Итгэл үнэмшил гэх тархины нэгэн хаалга зүрхтэй холбогдон хүмүүний амьдралд өөрийн нөлөөгөө бататгасаар он цагийн эрхэнд шашин болж манджээ. Өрх тусгаар биш ч гэлээ сүсэг бишрэлээрээ тусгаар итгэлийн вант улсыг байгуулталаа тууштай байж чадсан тив тивийн ахан дүүс сүсгээрээ өрсөлдсөөр эцэс сүүлдээ  өөрийн дотоод сэтгэлээ булингартуулсан нь илхэн.

2014.06.23 - 07.15

                   Ажлын ачаалал ихэссэнээс ч тэр үү, зуны дэлгэр цагт өөрийн эрхгүй хөрст хангайд өвөг буурлаа алддаа залах хүсэл оргилж, газар оронд харааны хязгаар руу хүлгийн жолоог агсмаар. Замба нартын үйл, заяаны эрхээр даалгасан тавилангийн тэнцвэрийг барьж дадах нь ухааны сийрэг, овсгоог шалгах мэт. Эртнээс товлогдсон энэ удаагийн үйл хэрэг балчир бидний тэвчээрийг шалгах нь нэгэнт тодорхой болов.

                  Хээ угалз бүхэнд нийтлэг зураас байдаг ч өөр өөрийн сийлбэртэйн адилаар энэ удаагийн үйл хэрэг аянд мордсон зүрх сэтгэлтэн бүрт багагүй ухаарлыг олгосон биз ээ. Зүүнтээ зүгийг судлан байхад түүх дурсгалын өв арвин ихээс гадна тал газар түүний алдарт эх оронч шумуулын тухай үг сонсоогүй гэвэл худлаа.

БАРИМТ 2. ГАЗРЫГ АНГИЛАЛ, ХУВААЛТ-НУТАГ ЗААГДАЛТ

“Газар нутгийн салшгүй бүрэн бүтэн байдал” гэдэг үгийг авч хаясны нэг, өчүүхэн шалтгаан нь доорхи заалттай холбогдож ирж байна.

“6 дугаар зүйл. Газрын нэгдмэл сангийн үндсэн ангилал, түүнийг шилжүүлэх
6.1.Газрын нэгдмэл санг дор дурдсанаар ангилна:
...6.1.6.ашигт малтмал, газрын тос, байгалийн хий ашиглах газар;...”

2014.06.18

БАРИМТ 1. МОНГОЛ УЛСЫН ГАЗАР НУТГИЙН САЛШГҮЙ БҮРЭН БҮТЭН БАЙДАЛ ЮУ БОЛОХ ГЭЭД БАЙГАА ЮМ БЭ?


 2002 оны Газрын тухай хуулинд:

“4 дүгээр зүйл. Төрөөс газрын талаар баримтлах зарчим
4.1. Төрөөс газрын талаар дараахь зарчмыг баримтална:
4.1.1. Монгол Улсын газар нутаг салшгүй бүрэн бүтэн, газрын сан нэгдмэл байх;” гэж заажээ.

2013 онд Засгийн газраас өргөн барьсан Газрын тухай багц хуулийн төсөлд: